Carmen 3 (in Latin by Catullus)  |
|
| |
| Available in
Latin,
Brazilian Port.,
Castellano,
Catalan,
Chinese,
Croatian,
Danish,
Dutch,
English,
Estonian,
Finnish,
French,
German,
Hebrew,
Hindi,
Hungarian,
Italian,
Japanese,
Korean,
Polish,
Portuguese,
Rioplatense,
Romanian,
Scanned,
Spanish,
Swedish,
Turkish, and
Vercellese. Compare two languages here.
Listen to this text here. |
|
| |
Lugete, o Veneres Cupidinesque,
et quantum est hominum venustiorum:
passer mortuus est meae puellae,
passer, deliciae meae puellae,
quem plus illa oculis suis amabat.
nam mellitus erat suamque norat
ipsam tam bene quam puella matrem,
nec sese a gremio illius movebat,
sed circumsiliens modo huc modo illuc
ad solam dominam usque pipiabat.
qui nunc it per iter tenebricosum
illuc, unde negant redire quemquam.
at vobis male sit, malae tenebrae
Orci, quae omnia bella devoratis:
tam bellum mihi passerem abstulistis
o factum male! o miselle passer!
tua nunc opera meae puellae
flendo turgiduli rubent ocelli.
|
|
| |
|
| |
